എലിസബത്ത് രാജ്ഞിയുടെ സംസ്കാരത്തിൽ പങ്കെടുത്ത് മടങ്ങിയ ഡാനിഷ് രാജ്ഞിക്ക് കോവിഡ് സ്ഥിരീകരിച്ചു
Sep 22, 2022, 10:32 IST
കോപ്പൻഹേഗൻ: ഡെന്മാർക്കിലെ മർഗ്രീത രാജ്ഞി രണ്ടാം തവണയും കോവിഡ് പോസിറ്റീവായി. എലിസബത്ത് രാജ്ഞിയുടെ സംസ്കാര ചടങ്ങിൽ പങ്കെടുത്ത് മടങ്ങിയെത്തിയപ്പോൾ നടത്തിയ പരിശോധനയിലാണ് രോഗം സ്ഥിരീകരിച്ചത്. തുടർന്ന് ഈയാഴ്ചയിലെ പരിപാടികൾ റദ്ദാക്കി.
എലിസബത്ത് രാജ്ഞിയുടെ സംസ്കാരച്ചടങ്ങിൽ പങ്കെടുത്ത 2000 അതിഥികളിൽ ഒരാളാണ് 82കാരിയായ മർഗ്രീത രാജ്ഞി. ബ്രിട്ടനിലെ എലിസബത്ത് രാജ്ഞി കഴിഞ്ഞാൽ ഏറ്റവും കൂടുതൽ കാലം അധികാരത്തിലിരുന്ന മർഗ്രീത ഇപ്പോൾ ഔദ്യോഗിക ചുമതലകളിൽ നിന്ന് ഒഴിഞ്ഞു വിശ്രമ ജീവിതം നയിക്കുകയാണ്.
യൂറോപ്പിലെ ഏറ്റവും പഴയ രാജഭരണമാണു ഡെന്മാർക്കിലേത്. 1972ലാണു മർഗ്രീത 31-ാം വയസിൽ രാജ്ഞിയായത്.