2024 യൂറോ കളിക്കാൻ ആഗ്രഹമെന്ന് റൊണാൾഡോ
Sep 22, 2022, 10:12 IST
ലിസ്ബൺ: 2024 യൂറോ കപ്പിലും ദേശീയ ടീമിനായി കളിക്കാൻ ആഗ്രഹം പ്രകടിപ്പിച്ചു പോർച്ചുഗ ലിന്റെ സൂപ്പർ താരം ക്രിസ്റ്റ്യാനോ റൊണാൾഡോ. അടുത്തെങ്ങും വിരമിക്കാൻ ഉദ്ദേശിക്കുന്നില്ലെന്നും മാഞ്ചസ്റ്റർ യുണൈറ്റഡ് താരം പോർച്ചുഗീസ് ഫുട്ബോൾ ഫെഡറേഷന്റെ പുരസ്കാരം ഏറ്റുവാങ്ങിയ ശേഷം അദ്ദേഹം വ്യക്തമാക്കി.
"എന്റെ യാത്ര അവസാനിച്ചിട്ടില്ല. ക്രിസ്റ്റ്യാനോയെ കുറച്ചുകാലംകൂടി നിങ്ങൾ കാണേണ്ടിവരും. യൂറോ കപ്പ് ടീമിൽ അംഗമാകാൻ ആഗ്രഹമുണ്ട്. അതിനുള്ള പ്രചാദനം ഇപ്പോഴുമുണ്ട്. എന്റെ ആഗ്രഹങ്ങൾ വലുതാണ്'- 37കാരനായ റൊണാൾഡോ പറഞ്ഞു.
പോർച്ചുഗലിനായി 189 മത്സരങ്ങളിൽ നിന്ന് 117 ഗോളുകൾ നേടിയ ക്രിസ്റ്റ്യാനോയുടെ പത്താമത്തെ പ്രധാന ടൂർണമെന്റാണ് ഖത്തർ ലോകകപ്പ്.