വെസ്റ്റ് ബാങ്കിൽ ഇസ്രയേൽ വെടിവയ്പ്പ്; മാധ്യമപ്രവർത്തക കൊല്ലപ്പെട്ടു
Wed, 11 May 2022
ജെനിൻ: വെസ്റ്റ് ബാങ്കില്‍ ഇസ്രയേല്‍ നടത്തിയ വെടിവയ്പ്പില്‍ മാധ്യമപ്രവര്‍ത്തക കൊല്ലപ്പെട്ടു. അല്‍ ജസീറ മാധ്യമപ്രവര്‍ത്തക ഷിരീന്‍ അബു അക്ലേഹ്(51) ആണ് കൊല്ലപ്പെട്ടത്.ബുധനാഴ്ച രാവിലെയായിരുന്നു സംഭവം ഉണ്ടായത്. ജെനിന്‍ അഭയാര്‍ഥി ക്യാംപില്‍ ഇസ്രയേല്‍ സൈന്യം പരിശോധന നടത്തവെയാണ് വെടിവയ്പ്പ് ഉണ്ടായത്.എന്നാല്‍ പാലസ്തീന്‍ നടത്തിയ വെടിവയ്പ്പിലാണ് ഇവര്‍ കൊല്ലപ്പെട്ടതെന്നാണ് ഇസ്രായേൽ വാദിക്കുന്നത്. ജറുസലേമിലെ അൽ ഖുദ്സ് ദിനപത്രത്തിലെ മറ്റൊരു മാധ്യമപ്രവർത്തകന് വെടിവയ്പ്പിൽ പരുക്കേറ്റിട്ടുണ്ട്.