യു.കെയിൽ ഇന്ത്യൻ വംശജയായ 66കാരിയെ കൊലപ്പെടുത്തി
May 15, 2024, 09:27 IST
ലണ്ടൻ: യു.കെയിൽ ഇന്ത്യൻ വംശജയായ 66കാരിയെ കുത്തികൊലപ്പെടുത്തി. നോർത്ത്-വെസ്റ്റ് ലണ്ടനിലാണ് സംഭവം നടന്നത്. മെയ് ഒമ്പതിന് രാവിലെ 11.50ഓടെയായിരുന്ന് ഇവർക്കെതിരെ ആക്രമണമുണ്ടായത്. അനിത മുഖെയെന്ന 66കാരിയാണ് ക്രൂരമായി കൊല്ലപ്പെട്ടത്. നാഷണൽ ഹെൽത്ത് സർവീസിൽ മെഡിക്കൽ സെക്രട്ടറിയായി ജോലി ചെയ്യുകയായിരുന്നു ഇവർ. എഡ്ഗ്വേർ ഏരിയയിലെ ബ്രന്റ് ഓക് ബ്രോഡ്വേ ബസ്സ്റ്റോപ്പിൽ ബസ് കാത്തുനിൽക്കുന്നതിനിടെ 22കാരനായ പ്രതിയെത്തി കഴുത്തിലും നെഞ്ചിലും കുത്തുകയായിരുന്നു.22കാരനായ പ്രതിയെ കൊലപാതക കുറ്റം ചുമത്തി അറസ്റ്റ് ചെയ്തു. പ്രതിയെ കോടതിയിൽ ഹാജരാക്കി റിമാൻഡും ചെയ്തു. കൊലപാതകത്തിന് പുറമേ ആയുധം കൈവശം വെച്ചതിനും ഇയാൾക്കെതിരെ പൊലീസ് കേസെടുത്തിട്ടുണ്ട്. ആഗസ്റ്റിൽ കേസ് വീണ്ടും കോടതി പരിഗണിക്കുമെന്നും പൊലീസ് അറിയിച്ചു.