സൗദി അറേബ്യയിലെ ആദ്യ സിനിമ പ്രദർശനം ഇന്ന്
ജിദ്ദ: സൗദി അറേബ്യയിലെ ആദ്യ സിനിമ പ്രദർശനം ഇന്ന് മുതല്. ഹോളിവുഡ് ചിത്രം ‘ബ്ലാക് പാൻതർ’ ആണ് ആദ്യസിനിമ. റിയാദിലെ കിങ് അബ്ദുല്ല ഫിനാൻഷ്യൽ ഡിസ്ട്രിക്ടിൽ ഒരുക്കിയ തിയറ്ററിൽ ക്ഷണിക്കപ്പെട്ടവർക്കാണ് പ്രദർശനം. വരും ദിവസങ്ങളിലും സ്വകാര്യ പ്രദർശനങ്ങള് നടത്തും. വിപുലമായ ചടങ്ങുകളോടെയായിരിക്കും ആദ്യദിവസത്തെ പ്രദർശനം ആരംഭിക്കുന്നത്. പൊതുജനങ്ങൾക്കുള്ള പ്രദർശനം മേയ് മാസത്തിലാകും ആരംഭിക്കുക. അതിനുള്ള ടിക്കറ്റ് വിൽപന ഇൗമാസം അവസാനത്തോടെ തുടങ്ങും.
അമേരിക്കൻ മൾട്ടി സിനിമ (എ.എം.സി) കമ്പനി സജ്ജീകരിക്കുന്ന തിയറ്ററിൽ രണ്ടുമാസത്തിനകം മൂന്നു സ്ക്രീനുകൾ കൂടി പ്രവർത്തനമാരംഭിക്കും. അഞ്ചുവർഷത്തിനുള്ളിൽ രാജ്യമെങ്ങും 40 തിയറ്ററുകൾ നിലവിൽ വരും. മാർവൽ സ്റ്റുഡിേയാസ് നിർമിച്ച സൂപ്പർഹീറോ സിനിമയാണ് ഫെബ്രുവരി 16 ന് അമേരിക്കയിൽ റിലീസ് ചെയ്ത ‘ബ്ലാക് പാൻതർ’.