ലോകമുത്തശ്ശി നാബി തജിമ 117-ാം വയസ്സിൽ വിടവാങ്ങി
Apr 23, 2018, 10:44 IST
ടോക്കിയോ: ലോകമുത്തശ്ശിപ്പട്ടം കിട്ടിയ ജപ്പാനിലെ 117-ാം വയസ്സിൽ നാബി തജിമ വിടവാങ്ങി. ക്യുഷു ദ്വീപിലുള്ള കികായ് പട്ടണത്തിലെ ആശുപത്രിയിൽ വച്ചായിരുന്നു അന്ത്യം. 1900 ഓഗസ്റ്റ് നാലിന് ജനിച്ച തജിമ നൂറ്റിയറുപതിലേറെ പിന്മുറക്കാരെ കണ്ടിട്ടുണ്ട്. ജമൈക്കൻ സ്വദേശിയായ വൈലെറ്റ് ബൗണിന്റെ മരണത്തിനുശേഷമാണ് തജിമയെ ലോകമുത്തശ്ശിയായി മാധ്യമങ്ങൾ വിശേഷിപ്പിച്ചിരുന്നത്. തജിമയെ ലോകമുത്തശ്ശിയായി അംഗീകരിക്കുന്ന നടപടികളുടെ അവസാനഘട്ടത്തിലായിരുന്നു ഗിന്നസ് അധികൃതർ.