യോഗ ദിനാചരണത്തിന് പിന്നിൽ.?
Jun 19, 2020, 11:47 IST
2014, സെപ്തംബര് 27ന് ഐക്യരാഷ്ട്ര സഭയുടെ 69മത്തെ സമ്മേളനത്തില് പങ്കെടുക്കുമ്പോള് ഇന്ത്യയുടെ പ്രധാനമന്ത്രി നരേന്ദ്രമോദി മുന്നോട്ടു വച്ച ഒരാശയമാണ് ഇന്നത്തെ അന്താരാഷ്ട്ര യോഗ ദിനം. യോഗയ്ക്കായി ഒരു അന്താരാഷ്ട്ര ദിനം എന്ന മോദിയുടെ ആവശ്യം ഐക്യരാഷ്ട്രസഭയുടെ ജനറല് അസംബ്ലിയില് റിക്കോര്ഡ് ഭൂരിപക്ഷത്തില് അംഗീകരിക്കപ്പെടുകയും ചെയ്തു. മനുഷ്യരാശിയുടെ ആരോഗ്യത്തിനും നല്ല ജീവിതത്തിനും പ്രയോജനകരമാകുന്ന സമഗ്രമായ കര്മ്മ പദ്ധതിയായ യോഗ 193ല് 177 രാഷ്ട്രങ്ങളും സഭയില് അംഗീകരിച്ചു.
സമൂഹത്തിന്റെ നാനാതുറകളിലുള്ളവര്ക്ക് യോഗയുടെ ആരോഗ്യ പദ്ധതിയിലൂടെ രോഗശാന്തിയും ജീവിതസമാധാനവും കൈവരിക്കാന് കഴിയുമെന്നും നിരവധി രോഗങ്ങളെ ചെറുക്കാന് യോഗയിലൂടെ കഴിയുമെന്നും ഐക്യരാഷ്ടസഭ മനസിലാക്കിയതോടെ ജൂണ് 21 അന്താരാഷ്ട്ര യോഗാ ദിനമായി മാറി.