ബ്രിട്ടീഷ് മോഡലിനെ തട്ടിക്കൊണ്ടുപോയ യുവാവ് അറസ്റ്റിൽ
Aug 7, 2017, 09:59 IST
റോം: ബ്രിട്ടീഷ് മോഡലിനെ തട്ടിക്കൊണ്ടുപോയി ഒാൺലൈൻ വിപണിയിൽ വിൽക്കാൻ ശ്രമിച്ച യുവാവ് അറസ്റ്റിൽ. പോളിഷ് പൗരനായ ലൂക്കാസ് പവൽ ഹെർബയാണ് ഇറ്റലിയിൽ വച്ച് പിടിയിലായത്. യുവതിയെ തിരികെ യുകെയിൽ എത്തിച്ചു.
ജൂലൈ 11ന് ഇറ്റലിയിൽ ഫോട്ടോ ഷൂട്ടിന് എത്തിയപ്പോഴായിരുന്നു യുവതിയെ മയക്കുമരുന്നു നൽകിയ ശേഷം തട്ടിക്കൊണ്ടുപോയത്. പിന്നീട് ഇറ്റലിയിലെ ഒരു വീട്ടിൽ ആറുദിവസം തടങ്കലിൽ പാർപ്പിച്ചു. ഇതിനിടെ മൂന്നു ലക്ഷം ഡോളർ വിലയിട്ട് യുവതിയെ ഓൺലൈനിൽ വിൽക്കാൻ ശ്രമിക്കുകയായിരുന്നു. എന്നാൽ ഒരാഴ്ചയ്ക്കുള്ളിൽ യുവതിയെ പോലീസ് മോചിപ്പിച്ചു.