ഫേസ്ബുക്ക് ലോകവ്യാപകമായി പണിമുടക്കി
ഫേസ്ബുക്ക് ലോകവ്യാപകമായി പണിമുടക്കി. മുന്നറിയിപ്പില്ലാതെയായിരുന്നു ഉപയോക്താക്കൾക്ക് എഫ്ബി പണികൊടുത്തത്. വൈകുന്നേരം നാലു മുതലാണ് ഫേസ്ബുക്ക് പണിമുടക്കിതുടങ്ങിയത്. യുകെ, അമേരിക്കയുടെ പടിഞ്ഞാറ്, കിഴക്ക് തീരങ്ങൾ എന്നിവിടങ്ങളിലാണ് പ്രധാനമായും ഫേസ്ബുക്ക് ചലനമറ്റത്.
ഇന്ത്യയിലും സമാന പ്രശ്നങ്ങൾ റിപ്പോർട്ട് ചെയ്തു. ഫോട്ടോകളും മറ്റും അപ് ലോഡ് ചെയ്യാൻ കഴിയാത്തതായിരുന്നു പ്രധാനപ്രശ്നം. ഫേസ്ബുക്കിന്റെ സമാനമായ പ്രശ്നം ഇൻസ്റ്റാഗ്രാമിലും നേരിട്ടു. ഇതാദ്യമായാണ് ഫേസ്ബുക്കും ഇൻസ്റ്റാഗ്രാനും ഒരുപോലെ പണിമുടക്കുന്നത്. ഫേസ്ബുക്ക് ഉടമകൾ തന്നെയാണ് ഇന്സ്റ്റാഗ്രാമിന്റെയും ഉടമകൾ