പോള് ചെയ്ത വോട്ടും എണ്ണിയ വോട്ടും തമ്മില് വ്യത്യാസം; വിശദീകരണവുമായി തെരഞ്ഞെടുപ്പ് കമ്മീഷന്
ന്യൂഡൽഹി: ലോക്സഭാ തെരഞ്ഞെടുപ്പിൽ പോള് ചെയ്ത വോട്ടും എണ്ണിയ വോട്ടും തമ്മില് വ്യത്യാസം ഉണ്ടെന്ന ആരോപണത്തില് വിശദീകരണവുമായി തെരഞ്ഞെടുപ്പ് കമ്മീഷന്. വോട്ട് ചെയ്തവരില് പ്രേതങ്ങളില്ലെന്നും മനുഷ്യര് തന്നെയാണെന്നുമായിരുന്നു കമ്മീഷൻെറ പ്രതികരണം. കമ്മീഷന്റെ സൈറ്റിലെ വിവരങ്ങള് പ്രകാരം പോള് ചെയ്ത വോട്ടുകളേക്കാള് കുറച്ച് എണ്ണിയതും കൂടുതല് എണ്ണിയതുമായ ഇടങ്ങളില് ക്രമക്കേടുണ്ടെന്നായിരുന്നു ആരോപണം ഉയർന്നത്.വെബ്സൈറ്റിലെ നേരത്തെയുള്ള കണക്കുകള് താല്ക്കാലികമാണെന്നും മാറ്റങ്ങള്ക്ക് വിധേയമാണെന്നും ഇലക്ഷന് കമ്മീഷന് വ്യക്തമാക്കുന്നു. കൃത്യമായ കണക്കെടുപ്പിന് ശേഷം അന്തിമമായ കണക്കുകള് വൈകാതെ പുറത്തുവിടും. അന്തിമ കണക്കുകള് ഒരോ റിട്ടേണിങ് ഓഫീസര്മാരില് നിന്നും ശേഖരിച്ച് പ്രസിദ്ധീകരിക്കാന് സമയമെടുക്കും. കമ്മീഷൻ പറഞ്ഞു.