മാസപ്പടി വിവാദത്തിൽ മുഖ്യമന്ത്രിക്കും മകൾക്കുമെതിരേ വിജിലൻസ് അന്വേഷണം ആവശ്യപ്പെട്ടുള്ള ഹർജിയിൽ ഇന്ന് വിധി
Apr 4, 2024, 11:03 IST
തിരുവനന്തപുരം: മാത്യു കുഴൽനാടൻ എം.എൽ.എ. മുഖ്യമന്ത്രി പിണറായി വിജയനും മകള്‍ വീണ വിജയനുമെതിരെ മാസപ്പടി വിവാദത്തിൽ അന്വേഷണമാവശ്യപ്പെട്ട് നൽകിയ ഹർജിയിൽ ഇന്ന് വിധി പറയും. വിധി പറയുന്നത് തിരുവനന്തപുരം വിജിലൻസ് കോടതിയാണ്. ഫെബ്രുവരി 29 നാണു മാത്യു കുഴല്‍നാടന്‍ എം.എല്‍.എ. മുഖ്യമന്ത്രി പിണറായി വിജയൻ, മകള്‍ വീണ വിജയൻ എന്നിവരടക്കമുള്ള ഏഴ് പേർക്കെതിരെ ഹര്‍ജി സമര്‍പ്പിച്ചത്. ഹർജിയിലെ പ്രധാന ആരോപണം സി.എം.ആർ.എൽ. കമ്പനിക്ക് ധാതുമണൽ ഖനനത്തിനായി അനുമതി നൽകിയതിന് മുഖ്യമന്ത്രിയുടെ മകള്‍ക്ക് മാസപ്പടി പ്രതിഫലമായി ലഭിച്ചുവെന്നാണ്.