നാല് ജില്ലകളിൽ ഇടിമിന്നലോട് കൂടിയ മഴമുന്നറിയിപ്പ് ; ശക്തമായ കാറ്റിനും സാധ്യത
Apr 3, 2024, 11:01 IST
തിരുവനന്തപുരം : സംസ്ഥാനത്ത് നാല് ജില്ലകളിൽ കൊടും ചൂടിൽ ആശ്വാസം പകർന്ന് മഴമുന്നറിയിപ്പ്. ഇതനുസരിച്ച് കേരളത്തിലെ നാലുജില്ലകളിൽ അടുത്ത മൂന്നുമണിക്കൂറിൽ മഴയ്ക്ക് സാധ്യതയുണ്ട്. മണിക്കൂറിൽ 40 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും, ഇടിമിന്നലോട് കൂടിയ മിതമായ മഴയ്ക്കും തിരുവനന്തപുരം, കൊല്ലം, ആലപ്പുഴ, എറണാകുളം എന്നീ ജില്ലകളിലെ ഒറ്റപ്പെട്ടയിടങ്ങളിൽ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.