കൈവിരലിന് പകരം നാവിൽ ശസ്ത്രക്രിയ ചെയ്ത സംഭവത്തിൽ വീഴ്ച പറ്റിയെന്നു സമ്മതിച്ച് ആരോഗ്യമന്ത്രി
Jun 10, 2024, 13:57 IST
തിരുവനന്തപുരം: കൈവിരലിന് പകരം നാവിൽ ശസ്ത്രക്രിയ ചെയ്ത സംഭവത്തിൽ വീഴ്ച പറ്റിയെന്നു സമ്മതിച്ച് ആരോഗ്യമന്ത്രി. വീഴ്ചയുണ്ടായെന്ന് ആരോഗ്യമന്ത്രി വീണാ ജോർജ് സമ്മതിച്ചത് കോഴിക്കോട് മെഡിക്കൽ കോളജ് ആശുപത്രിയിൽ കൈവിരലിന് പകരം നാവിൽ ശസ്ത്രക്രിയ ചെയ്ത സംഭവത്തിലാണ്. കൈയിലെ ആറാം വിരൽ മാറ്റുന്നതിന് പകരമായി സർജറി നടത്തിയത് കുട്ടിയുടെ നാവിനാണ്. അത് തെറ്റാണെന്നും ഇത്തരം പിഴവുകളിൽ കർശന നടപടി സ്വീകരിക്കുമെന്നും പറഞ്ഞ ആരോഗ്യ മന്ത്രി, തെറ്റ് തെറ്റായി തന്നെ കണ്ടുകൊണ്ട് സൂര്യൻ അസ്തമിക്കുന്നതിന് മുമ്പ് ഡോക്ടർക്കെതിരെ നടപടി സ്വീകരിച്ചെന്നും കൂട്ടിച്ചേർത്തു. കൂടാതെ, ചികിത്സാ പിഴവുകൾ യു ഡി എഫ് സർക്കാരിന്റെ കാലഘട്ടത്തെ അപേക്ഷിച്ച് കുറഞ്ഞിട്ടുണ്ടെന്ന് പറഞ്ഞ മന്ത്രി വീണാ ജോർജ്ജ് മികച്ച സേവനം നൽകുന്ന ഡോക്ടർമാർക്ക് ആത്മവിശ്വാസം പകരുകയാണ് വേണ്ടതെന്നും വ്യക്തമാക്കുകയുണ്ടായി.