'ജോസ് മാണിയെ സ്വാഗതം ചെയ്യാന് ആരേയും ചുമതലപ്പെടുത്തിയിട്ടില്ല'യെന്ന് വി ഡി സതീശൻ
May 15, 2024, 15:23 IST
തിരുവനന്തപുരം: പ്രതിപക്ഷനേതാവ് വി.ഡി. സതീശന് കേരള കോണ്ഗ്രസ് എമ്മിനെ യു.ഡി.എഫിലേക്ക് ക്ഷണിച്ചുകൊണ്ടുള്ള പാര്ട്ടി മുഖപത്രത്തിൻ്റെ മുഖപ്രസംഗം തള്ളി. യു.ഡി.എഫ്. ആരെയും കേരള കോണ്ഗ്രസ് ജോസ് കെ. മാണി വിഭാഗത്തെ മുന്നണിയിലേക്ക് സ്വാഗതം ചെയ്യാനായി ഏർപ്പെടുത്തിയിട്ടില്ലെന്ന് അദ്ദേഹം പറഞ്ഞു. തിരുവനന്തപുരത്ത് നടന്ന വാര്ത്താസമ്മേളനത്തില് സംസാരിക്കുകയായിരുന്നു സതീശന്. കോണ്ഗ്രസോ യു.ഡി.എഫോ ഇതേക്കുറിച്ച് ചര്ച്ച ചെയ്തിട്ടില്ലെന്നും, പ്രവര്ത്തകരും നേതാക്കളും പാര്ലമെൻറ് തിരഞ്ഞെടുപ്പില് കോട്ടയത്തെ കേരള കോണ്ഗ്രസ് സ്ഥാനാര്ഥിയെ തോല്പ്പിക്കാന് കഠിനാദ്ധ്വാനം ചെയ്തിട്ടുണ്ടെന്നും പറഞ്ഞ വി ഡി സതീശൻ ഇത്തരമൊരു വിഷയം യു.ഡി.എഫിന് മുന്നിൽ ഈ സാഹചര്യത്തില് ഇല്ലെന്നും വ്യക്തമാക്കുകയുണ്ടായി.