'മാസപ്പടി'യിൽ നിലപാട് മാറ്റി മാത്യു കുഴല്നാടന്
Updated: Apr 4, 2024, 13:22 IST
![മാത്യു കുഴൽനാടൻ](https://timeskerala.com/static/c1e/client/91214/uploaded/a6f86f25d4ecb38fbfde03c9260337c6.jpg)
തിരുവനന്തപുരം: വിജിലന്സ് അന്വേഷണം ആവശ്യപ്പെട്ട് മാസപ്പടി കേസില് സമർപ്പിച്ച ഹര്ജിയില് നിലപാട് മാറ്റി മാത്യു കുഴല്നാടന് എം.എല്.എ. ഇന്ന് കോടതിയിൽ ഇദ്ദേഹത്തിൻ്റെ അഭിഭാഷകൻ ആവശ്യപ്പെട്ടത് കോടതി നേരിട്ട് കേസെടുത്താല് മതിയെന്നാണ്. ഇതോടെ ഹർജി പരിഗണിച്ച തിരുവനന്തപുരം വിജിലൻസ് കോടതി ഏതെങ്കിലും ഒന്നില് ഉറച്ച് നില്ക്കൂ എന്ന് പറയുകയായിരുന്നു. ഇന്ന് കോടതി പരിഗണിച്ചത് മാസപ്പടിയിൽ മുഖ്യമന്ത്രി പിണറായി വിജയനും മകള് വീണാ വിജയനുമെതിരേ വിജിലൻസ് അന്വേഷണം ആവശ്യപ്പെട്ടുള്ള മാത്യു കുഴൽനാടൻ്റെ ഹർജിയാണ്. മുഖ്യമന്ത്രിയുടെ മകൾക്ക് സി.എം.ആർ.എൽ. കമ്പനിക്ക് ധാതുമണൽ ഖനനത്തിനായി അനുമതി നൽകിയതിന് പ്രതിഫലമായി മാസപ്പടി ലഭിച്ചുവെന്ന് കാണിച്ചായിരുന്നു ഹർജി.