ഇടതുമുന്നണിക്കൊപ്പം ഉറച്ച് നില്ക്കുമെന്ന് ജോസ് കെ. മാണി
Jun 8, 2024, 16:47 IST
തിരുവനന്തപുരം: ഇടതുമുന്നണിക്കൊപ്പം ഉറച്ച് നിൽക്കുമെന്ന് പറഞ്ഞ് കേരള കോണ്ഗ്രസ്-എം ചെയർമാൻ ജോസ് കെ. മാണി. ജയപരാജയങ്ങൾ നോക്കി മുന്നണി മാറില്ലെന്നും അദ്ദേഹം കൂട്ടിച്ചേർത്തു. ചിലരുടെ ലക്ഷ്യം രാഷ്ട്രീയ ഗോസിപ്പ് ഉണ്ടാക്കി ചര്ച്ചയാക്കുകയാണ് എന്ന് പറഞ്ഞ അദ്ദേഹം അതില് ആര്ക്കെങ്കിലും സുഖം കിട്ടുന്നുണ്ടെങ്കില് കിട്ടിക്കോട്ടെയെന്നും പറയുകയുണ്ടായി. എൽ ഡി എഫിനെ രാജ്യസഭാ സീറ്റ് തങ്ങൾക്ക് വേണമെന്ന ആവശ്യം അറിയിച്ചിട്ടുണ്ടെന്ന് പറഞ്ഞ ജോസ് കെ മാണി തീരുമാനം തിങ്കളാഴ്ച അറിയിക്കാമെന്നാണു പറഞ്ഞിരിക്കുന്നത് എന്ന് വ്യക്തമാക്കി.