സംസ്ഥാനത്ത് ശക്തമായ മഴ മുന്നറിയിപ്പ്: ഇടിമിന്നലിനും കാറ്റിനും സാധ്യത
May 15, 2024, 09:39 IST
തിരുവനന്തപുരം: ബുധനാഴ്ചയും സംസ്ഥാനത്ത് മഴ തുടരും. ശക്തമായ മഴ ഒറ്റപ്പെട്ടയിടങ്ങളില്‍ ലഭിക്കും. കൂടുതൽ മഴയ്ക്ക് സാധ്യതയുള്ളത് തെക്കന്‍ കേരളത്തിലാണ്. ഇന്ന് യെല്ലോ അലർട്ടുള്ളത് തിരുവനന്തപുരം, കൊല്ലം, പത്തനംതിട്ട ജില്ലകളിലാണ്. ഇടിമിന്നലോട് കൂടിയ അതിശക്തമായ മഴക്കും മണിക്കൂറില്‍ 40 കിലോമീറ്റര്‍ വരെ വേഗതയിലുള്ള കാറ്റിനും വിവിധ ജില്ലകളിലെ ഒറ്റപ്പെട്ടയിടങ്ങളില്‍ സാധ്യതയുണ്ട്. മഴ അടുത്ത ദിവസങ്ങളിലും തുടരുന്നതായിരിക്കും. ചക്രവാകച്ചുഴി കോമോറിന്‍ തീരത്തായി നിലനിൽക്കുകയാണ്.