എല്‍ ഡി എഫിലെ രാജ്യസഭാ സീറ്റ് തർക്കത്തിൽ അന്തിമ തീരുമാനം ഇന്ന്
Jun 10, 2024, 09:21 IST
തിരുവനന്തപുരം: ഇന്ന് എല്‍ ഡി എഫിലെ രാജ്യസഭാ സീറ്റ് തര്‍ക്കത്തില്‍ അന്തിമ തീരുമാനം ഉണ്ടായേക്കും. വിവരം തിങ്കളാഴ്ച ചേരുന്ന എല്‍ ഡി എഫ് യോഗത്തിൽ തീരുമാനമെടുക്കുമെന്നാണ്. ഇന്ന് ചേരുന്ന സി പി എം സംസ്ഥാന സെക്രട്ടറിയേറ്റ് യോഗത്തിൽ വിഷയം ചര്‍ച്ച ചെയ്യുന്നതായിരിക്കും. വിഷയത്തിൽ ശനിയാഴ്ച നടന്ന സി പി എം-സി പി ഐ ഉഭയക്ഷി ചര്‍ച്ചയില്‍ തീരുമാനമായിട്ടുണ്ടായിരുന്നില്ല. സി പി ഐ രാജ്യസഭാ സീറ്റില്‍ വിട്ടുവീഴ്ചയ്ക്കില്ല എന്ന നിലപാടില്‍ ഉറച്ചു നില്‍ക്കുകയാണ്. കോട്ടയത്ത് ലോക്സഭാ തെരഞ്ഞെടുപ്പില്‍ പരാജയപ്പെട്ടതോടെ പാര്‍ലമെന്‍റി‌ല്‍ കേരള കോണ്‍ഗ്രസ്- എമ്മിന് പ്രാതിനിധ്യമില്ലാതായ സാഹചര്യത്തിൽ രാജ്യസഭാ സീറ്റ് അനുവദിക്കണമെന്നാണ് പാർട്ടി ആവശ്യപ്പെടുന്നത്.