മസ്കറ്റിൽ പ്രവാസി മരിച്ച സംഭവം: പ്രവാസിയുടെ മൃതദേഹം വീട്ടിലെത്തിച്ചു, എയര്‍ ഇന്ത്യാ ഓഫീസിന് മുന്നിലെ പ്രതിഷേധത്തിന് അവസാനം
May 16, 2024, 14:16 IST
തിരുവനന്തപുരം: എയര്‍ ഇന്ത്യാ ഓഫീസിന് മുന്നിലെ പ്രതിഷേധം അവസാനിപ്പിച്ച് ഒമാനില്‍ മരിച്ച പ്രവാസി മലയാളി നമ്പി രാജേഷിന്‍റെ മൃതദേഹം കരമനയിലെ വീട്ടിലെത്തിച്ചു. എയര്‍ ഇന്ത്യാ അധികൃതരുമായി സംസ്കാരച്ചടങ്ങുകൾക്ക് ശേഷം നഷ്ടപരിഹാരമടക്കമുള്ള കാര്യങ്ങളിൽ ചർച്ച നടത്താമെന്ന് ധാരണയിലെത്തിയാണ് പ്രതിഷേധം അവസാനിപ്പിച്ചിരിക്കുന്നത്. തീരുമാനമെടുത്തിരിക്കുന്നത് വീട്ടുകാർ എയര്‍ ഇന്ത്യാ അധികൃതരുമായി സംസാരിച്ചതിന് പിറകെയാണ്.