സി പി ഐ ബ്രാഞ്ച് സെക്രട്ടറിമാര്‍ക്ക് കത്തയച്ച് ബിനോയ് വിശ്വം: ജനങ്ങളോടു വിനയവും കൂറും വേണം
Jun 25, 2024, 15:21 IST
തിരുവനന്തപുരം: ഇടതുപക്ഷം ജനങ്ങളോട് നിറഞ്ഞ കൂറോടെയും വിനയത്തോടെയും വേണം ഇടപെടാനെന്ന് പറഞ്ഞ് സി പി ഐ സംസ്ഥാന സെക്രട്ടറി ബിനോയ് വിശ്വം. ബ്രാഞ്ച് സെക്രട്ടറിമാര്‍ക്കുള്ള കത്തിലാണിത്. കത്തിൽ ബിനോയ് വിശ്വം ചൂണ്ടിക്കാട്ടുന്നത് അടിസ്ഥാന ജനവിഭാഗങ്ങളുമായി ഇടതുപക്ഷത്തിന് പഴയ ബന്ധമുണ്ടോ എന്ന് പരിശോധിക്കണമെന്നും ജനവിശ്വാസം ഇടിഞ്ഞതിൽ സ്വയം പരിശോധന ആവശ്യമാണെന്നുമാണ്. ആത്മവിമര്‍ശനത്തിന് അടിമുതല്‍ മുകള്‍ വരെയുള്ള എല്ലാ തലങ്ങളിലും സന്നദ്ധരാകണമെന്ന് പറഞ്ഞ അദ്ദേഹം, ജനങ്ങളോട് ഇടപടുമ്പോൾ അസഹിഷ്ണുത പാടില്ലെന്നും, ഇടതുപക്ഷത്തിന് മുന്നില്‍ ഉയര്‍ന്നു വന്നിട്ടുള്ളത് യാഥാര്‍ഥ്യങ്ങളെ തൊടാത്ത വ്യാഖ്യാന പാടവം കൊണ്ടോ ഉപരിപ്ലവമായ വിശകലന സാമര്‍ഥ്യം കൊണ്ടോ പരിഹരിക്കാനാവാത്ത പ്രശ്നങ്ങളാണ് എന്നും കൂട്ടിച്ചേർക്കുകയുണ്ടായി.