ബാർ കോഴ ആരോപണം: യൂത്ത് കോണ്‍ഗ്രസിന്‍റെ നിയമസഭാ മാര്‍ച്ചില്‍ സംഘര്‍ഷം
Jun 11, 2024, 14:42 IST
തിരുവനന്തപുരം: യൂത്ത് കോണ്‍ഗ്രസിന്‍റെ നിയമസഭാ മാര്‍ച്ചില്‍ സംഘര്‍ഷം. എക്സൈസ്, ടൂറിസം മന്ത്രിമാരുടെ രാജി എല്‍ ഡി എഫ് സര്‍ക്കാരിനെതിരായ ബാര്‍ കോഴ ആരോപണത്തില്‍ ആവശ്യപ്പെട്ടു കൊണ്ട് യൂത്ത് കോണ്‍ഗ്രസ് നടത്തിയ നിയമസഭാ മാര്‍ച്ചിലാണ് സംഘര്‍മുണ്ടായത്. പ്രവര്‍ത്തകര്‍ ബാരിക്കേഡ് മറിച്ചിടാന്‍ ശ്രമിച്ചു. തുടർന്ന് പോലീസ് പലതവണ ജലപീരങ്കി പ്രയോഗിക്കുകയുണ്ടായി. സംഘര്‍ഷത്തിലേക്ക് നീങ്ങിയത് മാര്‍ച്ച് ഉദ്ഘാടനം ചെയ്ത് പ്രതിപക്ഷ നേതാവ് വി.ഡി.സതീശന്‍ മടങ്ങിയതിന് പിന്നാലെയാണ്. പ്രവർത്തകർ ആദ്യം കല്ലെറിഞ്ഞ് അക്രമം സൃഷ്‌ടിച്ചിരുന്നു. എന്നാൽ, പോലീസ് സംയമനം പാലിക്കുകയായിരുന്നു. പിന്നീട് ബാരിക്കേഡ് മറിച്ചിടാന്‍ ശ്രമിച്ചതോടെയാണ് പോലീസ് ജലപീരങ്കി പ്രയോഗിച്ചത്. ഇപ്പോഴും സംഘർഷാവസ്ഥ തുടരുകയാണ് സ്ഥലത്ത്.