ഇന്ന് നിയമസഭാ സമ്മേളനത്തിന് തുടക്കം
Jun 10, 2024, 09:52 IST
തിരുവനന്തപുരം: നിയമസഭാ സമ്മേളനത്തിന് ഇന്ന് ആരംഭം. യു ഡി എഫ് ലോക്സഭാ തെരഞ്ഞെടുപ്പിൽ പതിനെട്ട് സീറ്റിലെ ഉജ്ജ്വല വിജയവുമായി ഇന്ന് നിയമസഭാ സമ്മേളനത്തിനെത്തും. ഈ സാഹചര്യത്തിൽ സഭാതലം സാക്ഷ്യം വഹിക്കുക സംസ്ഥാന സർക്കാരിനെതിരേയുള്ള ശക്തമായ പോരാട്ടത്തിനാകും. കൂടാതെ, ഒരു സീറ്റിലൊതുങ്ങിയ ഭരണമുന്നണി പ്രതിരോധത്തിലാകും. പ്രതിപക്ഷത്തിന്‍റെ കയ്യിൽ സഭയിൽ സർക്കാരിനെ മുൾമുനയിൽ നിർത്താൻ നിരവധി വിഷയങ്ങളുണ്ട്. ഇന്ന് ബാർകോഴ വിവാദത്തിൽ യു ഡി എഫിന്‍റെ നിയമസഭാ മാർച്ച് നടക്കുന്നുണ്ട്. സർക്കാരിനെ ആദ്യദിനം തന്നെ പ്രതിരോധത്തിലാക്കുക എന്ന ലക്ഷ്യത്തോടെയാണിത്.