എ.ഐ.സി.സി. അംഗം തങ്കമണി ദിവാകരൻ ബി.ജെ.പിയിലേക്ക്
Apr 2, 2024, 14:56 IST
![തങ്കമണി](https://timeskerala.com/static/c1e/client/91214/uploaded/f5b7b7676f0f86264a1acc8f8d3794fc.jpg)
തിരുവനന്തപുരം: തിരുവനന്തപുരത്തെ ഒരു കോൺഗ്രസ് നേതാവ് കൂടി ലോക്സഭാ തെരഞ്ഞെടുപ്പ് അടുത്തിരിക്കേ ബി.ജെ.പിയിലേക്ക് കൂടുമാറി. പാർട്ടി വിടുന്നത് എ.ഐ.സി.സി. അംഗവും മഹിളാ കോൺഗ്രസ് സംസ്ഥാന കമ്മിറ്റിയംഗവുമായ തങ്കമണി ദിവാകരനാണ്. കോൺഗ്രസ്സ് വിടാൻ തീരുമാനിച്ചത് പാർട്ടിയിൽ നിന്ന് കടുത്ത അവഗണന നേരിട്ടതിനേത്തുടർന്നാണെന്നാണ് തങ്കമണി ദിവാകരൻ പറഞ്ഞത്. പല സ്ത്രീകളും കോൺഗ്രസ്സിൽ ഇന്ന് അപമാനിക്കപ്പെടുകയാണെന്നും, കോൺഗ്രസ്സ് സ്ത്രീകളെ ബഹുമാനിക്കാൻ വിമുഖത കാണിക്കുന്നുവെന്നും അവർ ആരോപിച്ചു.