പ്ലസ് വണ്‍ സീറ്റ് ക്ഷാമത്തിൽ അടിയന്തരപ്രമേയത്തിന് അനുമതിയില്ലാത്തതിനാൽ സഭ വിട്ട് പ്രതിപക്ഷം
Jun 11, 2024, 14:26 IST
തിരുവനന്തപുരം: പ്രതിപക്ഷം സഭയിൽ നിന്ന് ഇറങ്ങിപ്പോയി. പ്രതിപക്ഷം മലബാറിലെ സീറ്റ് ക്ഷാമത്തില്‍ സഭ നിര്‍ത്തിവച്ച് ചര്‍ച്ച ആവശ്യപ്പെട്ടുകൊണ്ട് നല്‍കിയ അടിയന്തര പ്രമേയ നോട്ടീസിന് അനുമതിയില്ലാത്തതില്‍ പ്രതിഷേധിച്ചാണ് ഇറങ്ങിപ്പോക്ക്. അടിയന്തരപ്രമേയത്തിന് നോട്ടീസ് നല്‍കിയ എം.ഷംസുദ്ദീന്‍ സഭയില്‍ പറഞ്ഞത് മലബാറിലെ ആറ് ജില്ലകളില്‍ സീറ്റ് പ്രതിസന്ധിയുണ്ടെന്നും പതിനായിരക്കണക്കിന് വിദ്യാര്‍ഥികളുടെ പഠനം പ്രതിസന്ധിയിലാണെന്നുമാണ്. വിദ്യാഭ്യാസമന്ത്രി വി.ശിവന്‍കുട്ടി എസ് എസ് എല്‍ സി പാസായ വിദ്യാര്‍ഥികള്‍ക്ക് ഉപരിപഠനത്തിന് മലബാറില്‍ യാതൊരു തടസവുമില്ലെന്ന് മറുപടി നൽകുകയുണ്ടായി.