വിഴിഞ്ഞത്ത് വീട്ടമ്മയെ കൊലപ്പെടുത്തിയ സംഭവം; ഒരു സ്ത്രീ അടക്കം അയൽവാസികളായ മൂന്നു പേർ പിടിയിൽ
Updated: Jan 15, 2022, 10:35 IST
തിരുവനന്തപുരം: വിഴിഞ്ഞത്ത് സ്ത്രീയെ കൊലപ്പെടുത്തിയ കേസിൽ അയൽവാസിയായ ഒരു സ്ത്രീ ഉൾപ്പടെ മൂന്നു പേർ പിടിയിൽ. വിഴിഞ്ഞം സ്വദേശിയായ ശാന്തകുമാരി (50) ആണ് കൊല്ലപ്പെട്ടത്. സംഭവത്തിൽ ഇവരുടെ അയല്‍വാസികളായ റഫീഖ, അല്‍ അമീന്‍, ഷെഫീഖ് എന്നിവരാണ് പോലീസ് പിടിയിലായത്.മുല്ലൂരില്‍ വീടിന്‍റെ മച്ചിന് മുകളിലാണ് മൃതദേഹം ശാന്തകുമാരിയുടെ മൃതദേഹം കണ്ടെത്തിയത്. ശാന്തകുമാരിയെ കൊന്ന് സ്വര്‍ണാഭരണങ്ങള്‍ കവര്‍ന്ന് രക്ഷപെടാനായിരുന്നു പ്രതികളുടെ ശ്രമമെന്ന് പോലീസ് പറയുന്നു. കോഴിക്കോട്ടേക്ക് പോകാനുള്ള ശ്രമത്തിനിടെയാണ് മൂവരും പിടിയിലാകുന്നത്. ശാന്തകുമാരിയെ കാണാനില്ലെന്ന പരാതിയെ തുടര്‍ന്ന് നടത്തിയ അന്വേഷണത്തിലാണ് കൊലപാതക വിവരം പുറത്തായത്. റഫീഖയാണ് കൊല്ലപ്പെട്ടത് എന്നാണ് ആദ്യം പോലീസ് കരുതിയിരുന്നത്. തുടർന്ന് നടത്തിയ അന്വേഷണത്തിൽ ശാന്തകുമാരിയാണെന്ന് മനസിലായി. ശാന്തകുമാരിയെ കൊലപ്പെടുത്തിയ ശേഷം വീടിന്‍റെ മച്ചിന് മുകളില്‍ മൃതദേഹം ഉപേക്ഷിച്ചു ഇവര്‍ കടന്നു കളയുകയിരുന്നു.