കോൺഗ്രസ് പാർലമെന്‍ററി പാർട്ടി ചെയർപേഴ്സൺ ആയി സോണിയ ഗാന്ധിയെ തിരഞ്ഞെടുത്തു
Jun 8, 2024, 20:13 IST
ന്യൂഡൽഹി: സോണിയ ഗാന്ധിയെ കോൺഗ്രസ് പാർലമെന്‍ററി പാർട്ടി ചെയർപേഴ്സനായി തിരഞ്ഞെടുത്തു. സോണിയയുടെ പേര് നിർദേശിച്ചത് എ ഐ സി സി അധ്യക്ഷൻ മല്ലികാർജുൻ ഖാർഗെയാണ്. നിർദേശത്തെ കെ സുധാകരൻ, ഗൗരവ് ഗൊഗോയ്, താരിഖ് അൻവർ എന്നിവർ പിന്തുണക്കുകയുണ്ടായി. സോണിയയെ ചെയർപേഴ്സൺ സ്ഥാനത്തേക്ക് നിർദ്ദേശിച്ചത് ഇന്ന് ചേർന്ന പാർലമെന്‍ററി പാർട്ടി യോഗത്തിലാണ്. രാഹുൽ ഗാന്ധിയുടെ പേരാണ് പ്രതിപക്ഷ നേതൃ സ്ഥാനത്തേക്ക് നിർദേശിച്ചത്. പ്രമേയം യോഗം പാസാക്കി. കെ സി വേണുഗോപാൽ വ്യക്തമാക്കിയത് പ്രതിപക്ഷ നേതാവിനെ സഭ സമ്മേളിക്കുന്നതിനു മുൻപ് തന്നെ തീരുമാനിക്കുമെന്നാണ്.