ഷാഫി പറമ്പിൽ എം എൽ എ സ്ഥാനം രാജിവച്ചു: സ്പീക്കര്‍ എ.എൻ ഷംസീറിന്‍റെ ഓഫീസിൽ നേരിട്ടെത്തി
Jun 11, 2024, 16:01 IST
തിരുവനന്തപുരം: എം എൽ എ സ്ഥാനം രാജിവച്ച്‌ വടകരയിൽ നിന്ന് ലോക്‌സഭാ തെരഞ്ഞെടുപ്പിൽ വിജയിച്ച ഷാഫി പറമ്പിൽ. രാജി സമർപ്പിച്ചത് സ്പീക്കര്‍ എ.എൻ ഷംസീറിന്‍റെ ഓഫീസിൽ നേരിട്ടെത്തിയാണ്. രാജിവെച്ച ശേഷം ഷാഫി മാധ്യമങ്ങളോട് പ്രതികരിച്ചത് പാർലമെന്‍റിലേക്ക് പോകുമ്പോൾ നിയമസഭയിലെ അനുഭവം കരുത്താകുമെന്നാണ്. പാലക്കാട്ടുകാർ തന്നെ വടകരയിലേക്ക് അയച്ചത് 'പോയി തോറ്റിട്ട് വാ' എന്ന് പറഞ്ഞല്ല എന്ന് പറഞ്ഞ അദ്ദേഹം ആ രാഷ്ട്രീയ ബോധ്യം പാലക്കാട്ടുകാർക്ക് ഉപതെരഞ്ഞെടുപ്പിലും ഉണ്ടാകുമെന്നും കൂട്ടിച്ചേർത്തു. ഷാഫി പാലക്കാട് നിയോജക മണ്ഡലത്തിലെ എം എൽ എയായിരുന്നു. ഈ മണ്ഡലത്തിൽ ഇതോടെ ഇനി തെരഞ്ഞെടുപ്പുണ്ടാകും. പകരക്കാരനായി പരിഗണനയിൽ ഉള്ളത് യൂത്ത് കോൺഗ്രസ് അധ്യക്ഷൻ രാഹുൽ മാങ്കൂട്ടത്തിൽ, വി.ടി ബൽറാം എന്നിവരുടെ പേരുകളാണെന്നാണ് സൂചന.