റിയാസിയിൽ തീർഥാടകരെ ആക്രമിച്ച ഭീകരർക്കായി തിരച്ചിൽ ശക്തം
![റിയാസിയിൽ തീർഥാടകരെ ആക്രമിച്ച ഭീകരർക്കായി തിരച്ചിൽ ശക്തം](https://timeskerala.com/static/c1e/client/91214/uploaded/1f7631ecaed5a6137e638f2d03f2d5a4.webp)
ശ്രീനഗര്: ജമ്മുകാഷ്മരിലെ റിയാസിയില് ഭീകരാക്രമണത്തിൽ പത്ത് തീർഥാടകർ മരിച്ച സംഭവത്തിൽ ഭീകരർക്കായി തിരച്ചിൽ ശക്തമാക്കി. ആക്രമണം നടത്തിയ ഭീകരരെ കുറിച്ച് ശക്തമായ സൂചന ലഭിച്ചുവെന്ന് സൈന്യം അറിയിച്ചു.
ജമ്മുവില് നിന്ന് 140 കിലോമീറ്റര് അകലെ ശിവഖോരി ഗുഹാക്ഷേത്രത്തിലേക്കു പോയ തീര്ഥാടകരുടെ ബസിനെ ലക്ഷ്യമിട്ടാണു ഭീകരര് നിറയൊഴിച്ചത്. ഇതോടെ നിയന്ത്രണം നഷ്ടമായ വാഹനം മലയിടുക്കിലേക്ക് മറിഞ്ഞ് 10 പേർ മരണപ്പെടുകയും 32 പേർക്ക് പരിക്കേൽക്കുകയുമായിരുന്നു. താഴ്ചയിലേക്കു വീണ ബസ് പൂർണമായും തകർന്നു. ആക്രമണത്തെത്തുടര്ന്ന് ബസിന്റെ നിയന്ത്രണം നഷ്ടമായതാണ് അപകടകാരണമെന്ന് റിയാസി എസ്പി മോഹിത് ശര്മ അറിയിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)