കഴിഞ്ഞ സാന്പത്തിക വർഷം സംസ്ഥാനത്ത് മദ്യവിൽപ്പനയിൽ റിക്കാർഡ്
May 14, 2024, 19:21 IST
തിരുവനന്തപുരം: കഴിഞ്ഞ സാമ്പത്തിക വര്‍ഷം സംസ്ഥാനത്ത് റിക്കാർഡ് മദ്യവിൽപ്പന.19,088.68 കോടി രൂപയുടെ മദ്യവില്‍പനയാണ് നടന്നത്. മദ്യവില്‍പ്പനയിലെ നികുതി വഴി സര്‍ക്കാര്‍ ഖജനാവില്‍ 16,609.63 കോടി രൂപയാണ് എത്തിയത്. 2022-23 ല്‍ ഇത് 16,189.55 കോടി രൂപയായിരുന്നു. 2022- 23 സാന്പത്തിക വർഷം18,510.98 കോടിയുടെ മദ്യം വിറ്റിരുന്നു. സംസ്ഥാനത്ത 3.34 കോടി ജനങ്ങളില്‍ 29.8 ലക്ഷം പുരുഷന്‍മാരും 3.1 ലക്ഷം സ്ത്രീകളും മദ്യം ഉപയോഗിക്കുന്നതായാണ് കണക്കുകള്‍. പ്രതിദിനം അഞ്ച് ലക്ഷത്തോളം ആളുകള്‍ മദ്യം ഉപയോഗിക്കുന്നതായാണ് റിപ്പോര്‍ട്ടുകള്‍.