രാജ്യസഭാ സീറ്റ്; പരസ്യ ചര്ച്ചയ്ക്കില്ലെന്ന് ജോസ് കെ. മാണി
May 13, 2024, 19:20 IST
കോട്ടയം: രാജ്യസഭ സീറ്റിൽ പരസ്യ ചർച്ചയ്ക്കില്ലെന്ന് കേരള കോൺഗ്രസ് എം ചെയർമാൻ ജോസ് കെ. മാണി. സീറ്റ് വേണമെന്ന നിലപാട് ഇടതുമുന്നണി യോഗത്തിൽ സ്വീകരിക്കും. എന്നാൽ ഇക്കാര്യം പരസ്യമായി ചർച്ച ചെയ്യാനില്ലെന്നും ജോസ് പറഞ്ഞു.
അതേസമയം യുഡിഎഫ് വിട്ടു വന്നപ്പോൾ രാജ്യസഭ സീറ്റ് പാർട്ടിക്ക് ഉണ്ടായിരുന്നെന്നും അത് നൽകണമെന്നും ശക്തമായി വാദിക്കാനുമാണ് കോട്ടയത്ത് ചേർന്ന പാർട്ടി സ്റ്റീയറിംഗ് കമ്മിറ്റി യോഗത്തിന്റെ തീരുമാനം.