ടി.ടി.ഇയെ പിന്നിൽ നിന്ന് തള്ളിയിട്ട് കൊലപ്പെടുത്തിയ ഇതരസംസ്ഥാനക്കാരനെതിരെ കൊലക്കുറ്റം
Apr 3, 2024, 10:22 IST
തൃശൂർ: വെളപ്പായയിൽ ടി.ടി.ഇയെ ട്രെയിനിൽ നിന്ന് തള്ളിയിട്ട് കൊലപ്പെടുത്തിയ കേസിൽ പ്രതിയായ ഒഡീഷ സ്വദേശി രജനീകാന്തയ്ക്കെതിരേ കൊലക്കുറ്റം. ഇയാൾക്കെതിരെ കേസെടുത്തിരിക്കുന്നത് ഐ.പി.സി. 302 വകുപ്പ് ചുമത്തിയാണ്. എഫ്.ഐ.ആറിൽ പറയുന്നത് ഇയാൾ ടി.ടി.ഇ. വിനോദിനെ തള്ളിയിട്ടത് കൊല്ലണമെന്ന ഉദ്ദേശത്തോടുകൂടി തന്നെയാണെന്നാണ്. ടി.ടി.ഇ. തൃശൂരിൽ നിന്ന് കയറിയ പ്രതിയോട് മുളങ്കുന്നത്ത്കാവ് റെയിൽവേ സ്റ്റേഷൻ കഴിഞ്ഞാണ് ടിക്കറ്റ് ചോദിച്ചത്. ട്രെയിനിന്‍റെ 11-ാമത് കോച്ചിന്‍റെ പിന്നിൽ വലതുവശത്തെ വാതിലിനരികത്ത് നിൽക്കുകയായിരുന്ന വിനോദിനെ പ്രതി രജനീകാന്ത രണ്ടുകൈകളുമുപയോഗിച്ച് പിന്നിൽനിന്ന് തള്ളിയിടുകയായിരുന്നുവെന്ന് എഫ്.ഐ.ആറിൽ സൂചിപ്പിക്കുന്നു.