കോവിഡ് വ്യാപനം: സംസ്ഥാനത്തെ കോടതികൾ തിങ്കളാഴ്ച മുതൽ ഓണ്‍ലൈനിലേക്ക്
Jan 15, 2022, 22:15 IST
കൊച്ചി: കോവിഡ് മൂന്നാം തരംഗം രൂക്ഷമായ സാഹചര്യത്തിൽ സംസ്ഥാനത്തെ കോടതി നടപടികൾ തിങ്കളാഴ്ച മുതൽ വീണ്ടും ഓണ്‍ലൈനിലേക്ക് മാറുന്നു. ഇതുസംബന്ധിച്ച് ഹൈക്കോടതി സർക്കുലർ ഇറക്കി. ഹൈക്കോടതിയിലും കീഴ്ക്കോടതികളിലും കേസുകൾ പരിഗണിക്കുക ഓണ്‍ലൈനിലൂടെയായിരിക്കും. ഒഴിവാക്കാനാകാത്ത കേസുകൾ മാത്രം നേരിട്ട് വാദം കേൾക്കും. കോടതി മുറിയിൽ 15 പേരിൽ കൂടുതൽ അനുവദിക്കില്ല.ഏതെങ്കിലും പ്രത്യേകമായ കേസ് കോടതിമുറിയില്‍ പരിഗണിക്കേതുണ്ടോ എന്ന് ജഡ്ജിമാര്‍ തീരുമാനിക്കും. ജനങ്ങള്‍ പ്രവേശിക്കുന്നതും ജീവനക്കാര്‍ വരുന്നതും നിയന്ത്രിച്ചിട്ടുണ്ട്. നിയന്ത്രണങ്ങള്‍ 11-ന് പുനഃപരിശോധിക്കും.