കര്ദിനാള് മാര് ജോര്ജ് ആലഞ്ചേരിക്ക് തിരിച്ചടി; കേസുകള് റദ്ദാക്കണമെന്ന ഹർജി സുപ്രീം കോടതി തള്ളി
Mar 17, 2023, 11:04 IST
ന്യൂഡല്ഹി: സിറോ മലബാര് സഭ ഭൂമിയിടപാടുമായി ബന്ധപ്പെട്ട കേസില് കര്ദിനാള് മാര് ജോര്ജ് ആലഞ്ചേരിയുടെ ഹർജി സുപ്രീംകോടതി തള്ളി. ജസ്റ്റിസുമാരായ ദിനേശ് മഹേശ്വരി, ബേല എം ത്രിവേദി എന്നിവരടങ്ങിയ ബെഞ്ചാണ് ഹർജിയില് വാദം കേട്ടത്. ഏഴ് കേസുകളാണ് കര്ദിനാളിനെതിരെയുള്ളത്.സിറോ മലബാര് സഭ ഭൂമി കച്ചവടത്തില് ആധാരം വില കുറച്ച് കാണിച്ച് കോടികളുടെ ഇടപാട് നടത്തിയെന്ന പരാതിയിലാണ് എന്ഫോഴ്സ്മെന്റ് ഡയറക്ട്രേറ്റ് കേസെടുത്തത്.പള്ളികളുടെ ഭൂമിയും ആസ്തിയും വില്ക്കാന് ബിഷപ്പുമാര്ക്ക് അധികാരമില്ലെന്ന ഹൈക്കോടതി ഉത്തരവിലെ തുടര്നടപടികള് സ്റ്റേ ചെയ്യണമെന്ന് ആവശ്യപ്പെട്ട് വിവിധ രൂപതകള് നല്കിയ ഹരജിയും സുപ്രീംകോടതിയുടെ പരിഗണനയിലുണ്ട്.