നിയമസഭാ സമ്മേളനം: ഈ സാമ്പത്തിക വർഷത്തെ ബജറ്റിന്മേലുള്ള ധനാഭ്യര്ഥന ചര്ച്ചകള്ക്ക് ഇന്ന് തുടക്കം
Jun 11, 2024, 09:21 IST
![നിയമസഭ ടിവി ഉദ്ഘാടനം ചിങ്ങം ഒന്നിന്](https://timeskerala.com/static/c1e/client/91214/migrated/b20a2bcb42243965c69756c5691a025f.jpg)
തിരുവനന്തപുരം: ഇന്ന് പതിനഞ്ചാം നിയമസഭയുടെ 11-ാം സമ്മേളനത്തില് ഈ സാമ്പത്തിക വര്ഷത്തെ ബജറ്റിന്മേലുള്ള ധനാഭ്യര്ഥന ചര്ച്ചകള്ക്ക് തുടക്കം. സഭാസമ്മേളനത്തിന്റെ പ്രധാന അജണ്ട 2024- 25 സാമ്പത്തിക വര്ഷത്തെ ബജറ്റിന്മേലുള്ള ധനാഭ്യര്ഥന ചര്ച്ചകളും വോട്ടെടുപ്പുമാണ്. പ്രതിപക്ഷം ഇന്ന് സഭയില് മലബാറിലെ പ്ലസ് വണ് സീറ്റ് പ്രതിസന്ധി ഉന്നയിക്കുന്നതായിരിക്കും. പ്രതിപക്ഷം സര്ക്കാരിനെതിരേ വിഷയം ആയുധമാക്കും. ചര്ച്ചകള് കൂടാതെ തദ്ദേശ വാര്ഡ് വിഭജന ബില്ല് പാസാക്കിയ സർക്കാർ നടപടിയും പ്രതിപക്ഷം ഉയര്ത്തുന്നതായിരിക്കും. തിങ്കളാഴ്ച തന്നെ പ്രതിപക്ഷം വിഷയത്തില് റൂളിംഗ് ആവശ്യപ്പെട്ട് സ്പീക്കറെ സമീപിച്ചിട്ടുണ്ടായിരുന്നു. തിങ്കളാഴ്ച പ്രതിപക്ഷ പ്രതിഷേധത്തിനിടെ നിയമസഭ തദ്ദേശ വാര്ഡ് വിഭജന ബില് അഞ്ച് മിനിറ്റില് പാസാക്കുകയായിരുന്നു. ബില് സഭയില് അവതരിപ്പിച്ചത് തദ്ദേശമന്ത്രി എം.ബി.രാജേഷാണ്.