നിയമന കത്ത് വിവാദത്തിൽ തിരുവനന്തപുരം നഗരസഭയിൽ ഇന്നും യുവമോർച്ച ഉപരോധം
Nov 25, 2022, 11:51 IST
![നിയമന കത്ത് വിവാദത്തിൽ തിരുവനന്തപുരം നഗരസഭയിൽ ഇന്നും യുവമോർച്ച ഉപരോധം](https://timeskerala.com/static/c1e/client/91214/uploaded/7e2af096e6c4242212ca89c44b9484c2.jpg)
തിരുവനന്തപുരം: നിയമന കത്ത് വിവാദത്തിൽ തിരുവനന്തപുരം നഗരസഭയിൽ ഇന്നും യുവമോർച്ച ഉപരോധം. മേയർ ആര്യാ രാജേന്ദ്രൻ രാജിവയ്ക്കണമെന്ന് ആവശ്യപ്പെട്ട് യുവമോർച്ച പ്രവർത്തകർ നഗരസഭാ ഗേറ്റുകൾ ഉപരോധിച്ചു.
ഗേറ്റുകൾ പൂട്ടിയതിനെ തുടർന്ന് ജീവനക്കാർക്ക് അകത്തേക്ക് പ്രവേശിക്കാൻ സാധിച്ചില്ല. ഇതോടെ ജീവനക്കാരും പ്രതിഷേധക്കാരും തമ്മിൽ വാക്കേറ്റമുണ്ടാവുകയും തുടർന്ന് പോലീസ് ഇടപെടുകയും ചെയ്തു. കോർപറേഷന് പിറകിലെ ഗേറ്റ് ഉപരോധിച്ചവരെ അറസ്റ്റ് ചെയ്ത് നീക്കം ചെയ്തു. ഇതിന് ശേഷമാണ് ജീവനക്കാർക്ക് കോർപ്പറേഷനുള്ളിലേക്ക് കടക്കാൻ സാധിച്ചത്.
![](https://timeskerala.com/static/c1e/static/themes/16/91214/3752/images/New-Creative-.png)