റെയിൽവേ ട്രാക്കിലൂടെ നടന്ന രണ്ടു സ്ത്രീകൾ തോട്ടിൽ വീണു; ഒരാൾ മരിച്ചു
Aug 6, 2022, 12:13 IST
തൃശൂർ: റെയിൽവേ ട്രാക്കിലൂടെ നടന്ന രണ്ടു സ്ത്രീകൾ തോട്ടിൽ വീണുണ്ടായ അപകടത്തിൽ ഒരാൾ മരിച്ചു. ചാലക്കുടി വി.ആർ.പുരത്താണ് സംഭവം. വി.ആർ പുരം സ്വദേശിനി ദേവി കൃഷ്ണയാണ് മരിച്ചത്. ട്രാക്കിലൂടെ നടക്കുകയായിരുന്ന ഇരുവരും ട്രെയിൻവരുന്നത് കണ്ട് മാറിയപ്പോഴാണ്തോട്ടിലേക്ക് വീണതെന്നാണ് പറയുന്നത്. ഉടൻതന്നെ നാട്ടുകാർ ഇരുവരെയും രക്ഷപ്പെടുത്തി ആശുപത്രിയിൽ പ്രവേശിപ്പിച്ചെങ്കിലും ഗുരുതരമായി പരിക്കേറ്റ ദേവി കൃഷ്ണ പിന്നീട് മരണപ്പെടുകയായിരുന്നു. ദേവി കൃഷ്ണയോടൊപ്പം ഉണ്ടായിരുന്ന ഫൗസിയ എന്ന യുവതി ആശുപത്രിയിൽ ചികിത്സയിലാണ്. റോഡിൽ വെള്ളമായതിനാലാണ് ഇവർ റെയിൽവേ ട്രാക്കിലൂടെ നടന്നത്. ട്രെയിൻ പോകുമ്പോഴുണ്ടായ കാറ്റിലാണ് ഇരുവരും തോട്ടിൽ വീണത്.