യുവതി ഭര്‍തൃവീട്ടില്‍ മരിച്ചനിലയില്‍
Sep 21, 2022, 11:13 IST
കൊല്ലം: ജില്ലയിലെ ചടയമംഗലം അക്കോണത്ത് യുവതിയെ ഭര്‍തൃവീട്ടില്‍ മരിച്ച നിലയില്‍ കണ്ടെത്തി. അടൂര്‍ പഴകുളം സ്വദേശിനി ലക്ഷ്മി പിള്ള എന്ന 24- കാരിയാണ് മരിച്ചത്. കുവൈറ്റിലായിരുന്ന ഭര്‍ത്താവ് കിഷോര്‍ ചൊവ്വാഴ്ച നാട്ടിലെത്തിയിരുന്നു. വാതില്‍ തുറക്കാത്തതിനെ തുടര്‍ന്ന് ചവിട്ടിപ്പൊളിച്ച് അകത്തു കയറിയപ്പോഴാണ് ലക്ഷ്മിയെ മരിച്ച നിലയില്‍ കണ്ടത്. സംഭവത്തിൽ അസ്വാഭാവിക മരണത്തിന് കേസെടുത്ത ചടയമംഗലം പോലീസ് അന്വേഷണം ആരംഭിച്ചു. മൃതദേഹം പോസ്റ്റുമോര്‍ട്ടത്തിനായി തിരുവനന്തപുരം കോളേജിലേക്ക് മാറ്റി.