രാജ്ഭവനിലെ താത്കാലിക ജീവനക്കാരെ സ്ഥിരപ്പെടുത്തണം; ഗവര്ണര് മുഖ്യമന്ത്രിക്കയച്ച കത്ത് പുറത്ത്
Nov 21, 2022, 15:34 IST
തിരുവനന്തപുരം: രാജ്ഭവനിൽ കുടുംബശ്രീ മുഖേൻ നിയമിച്ച 20 താത്കാലിക ജീവനക്കാരെ സ്ഥിരപ്പെടുത്തണമെന്നാവശ്യപ്പെട്ട് ഗവര്ണര് ആരിഫ് മുഹമ്മദ് ഖാന് മുഖ്യമന്ത്രിക്കയച്ച കത്ത് പുറത്ത്. കഴിഞ്ഞ ഡിസംബറില് അയച്ച കത്താണ് ഇപ്പോൾ പുറത്ത് വന്നിരിക്കുന്നത്. അഞ്ചുവര്ഷത്തില് താഴെ സേവനപരിചയമുള്ള ജീവനക്കാര്ക്കുവേണ്ടിയാണ് ഗവര്ണറുടെ ശുപാര്ശ. ഗവർണർ - സർക്കാർ പോര് മുറുകുന്നതിനിടെയാണ് ഇപ്പോൾ ഗവർണർ എഴുതിയ കത്ത് പുറത്ത് വന്നിരിക്കുന്നത്. രാജ്ഭവനിലെ താത്കാലിക ഫോട്ടോഗ്രാഫറായ ദിലീപ് കുമാറിനെ സ്ഥിരപ്പെടുത്തണമെന്നും ഗവര്ണര് ഇതേ കത്തില് ആവശ്യമുന്നയിച്ചിരുന്നു. ഗവര്ണറുടെ ആവശ്യം പരിഗണിച്ച് ഫോട്ടോഗ്രാഫറെ സ്ഥിരപ്പെടുത്തികൊണ്ട് സര്ക്കാര് ഉത്തരവിറക്കി. കഴിഞ്ഞ ഫെബ്രുവരി 17നാണ് ഇത് സംബന്ധിച്ച ഉത്തരവിറങ്ങിയത്.