മങ്കിപോക്സ്: ആരോഗ്യ അടിയന്തരാവസ്ഥ പ്രഖ്യാപിച്ച് അമേരിക്ക
Aug 5, 2022, 08:38 IST
വാഷിംഗ്ടൻ: മങ്കിപോക്സ് വ്യാപിക്കുന്നതിന്റെ പശ്ചാത്തലത്തിൽ രാജ്യത്ത് ആരോഗ്യ അടിയന്തരാവസ്ഥ പ്രഖ്യാപിച്ച് അമേരിക്ക. 90 ദിവസത്തേക്കാണ് നിലവിൽ ആരോഗ്യ അടിയന്തരാവസ്ഥ പ്രഖ്യാപിച്ചിരിക്കുന്നത്. ഈ കാലയളവിൽ രോഗ വിവര ശേഖരണം ശക്തിപ്പെടുത്തുമെന്നും പ്രതിരോധ കുത്തിവയ്പ്പ് ഊർജിതമാക്കുമെന്നും ആരോഗ്യ വകുപ്പ് സെക്രട്ടറി സേവിയർ ബെക്കെറ അറിയിച്ചു. അതേസമയം, ഒടുവിൽ ലഭ്യമാകുന്ന കണക്കുകൾ പ്രകാരം അമേരിക്കയിൽ 6,600 മങ്കിപോക്സ് രോഗികളുണ്ട്.