രാജ്യത്ത് കോവിഡ് കുതിക്കുന്നു; 24 മണിക്കൂറിനിടെ 13,313 പേർക്ക് രോഗബാധ
Jun 23, 2022, 10:12 IST
ന്യൂഡൽഹി: രാജ്യത്ത് കോവിഡ് കേസുകളിൽ വീണ്ടും ഉയർന്നു. കഴിഞ്ഞ 24 മണിക്കൂറിനിടെ 13,313 പേർക്ക് കോവിഡ് സ്ഥിരീകരിച്ചു. 38 പേർ ഒരു ദിവസത്തിനിടെ കോവിഡ് ബാധിച്ച് മരിച്ചുവെന്നും കേന്ദ്ര ആരോഗ്യ മന്ത്രാലയം അറിയിച്ചു. 10,972 പേർ കോവിഡ് മുക്തരായി. ഇതോടെ 83,990 പേരാണ് കോവിഡ് ബാധിച്ച് വിവിധ സംസ്ഥാനങ്ങളിൽ ചികിത്സയിലുള്ളത്. 2.03 ശതമാനമാണ് രാജ്യത്ത് കോവിഡ് പോസിറ്റിവിറ്റി നിരക്ക്. രാജ്യത്ത് ആകെ കോവിഡ് കേസുകളുടെ എണ്ണം 4,27,36,027 കടന്നു. 5,24,941 പേരാണ് രാജ്യത്തു ഇതുവരെ കോവിഡ് ബാധിച്ച് മരിച്ചത്.മഹാരാഷ്ട്രയിലും കേരളത്തിലുമാണ് കോവിഡ് കേസുകളിൽ ഗണ്യമായ വർധ ഉണ്ടായിരിക്കുന്നത്. രാജ്യത്തെ 60 ശതമാനം രോഗികളും കേരളത്തിലും മഹാരാഷ്ട്രയിലുമാണ്.