രാജ്യത്ത് കോവിഡ് കേസുകളില്‍ വന്‍ വര്‍ധന; 24 മണിക്കൂറിനിടെ 17,336 പേർക്ക് രോഗം
Jun 24, 2022, 11:07 IST
ന്യൂഡല്‍ഹി: രാജ്യത്തെ കോവിസ് കേസുകളില്‍ വന്‍ വര്‍ധന. 24 മണിക്കൂറിനിടെ 17,336 പേർക്കാണ് രോഗം സ്ഥിരീകരിച്ചത്. കഴിഞ്ഞ 124 ദിവസത്തിനിടയിലെ ഏറ്റവും ഉയര്‍ന്ന കണക്കാണിത്. വ്യാഴാഴ്ചത്തെ അപേക്ഷിച്ച് 30 ശതമാനം വര്‍ധനവാണ് കോവിഡ് കേസുകളില്‍ ഉണ്ടായത്. സജീവ കേസുകളുടെ എണ്ണം 88,284 ആയി. 13 പേര്‍ കൂടി രാജ്യത്ത് രോഗം ബാധിച്ച് മരിച്ചു. ടെസ്റ്റ് പോസിറ്റിവിറ്റി നിരക്ക് 4.32 ശതമാനമാണ്. പ്രതിവാര പോസിറ്റിവിറ്റി നിരക്ക് 3.07 ശതമാനമായെന്നും കേന്ദ്ര ആരോഗ്യ മന്ത്രാലയം അറിയിച്ചു