വീണ്ടും കോഴിക്കോട് മെഡിക്കൽ കോളേജിൽ ചികിത്സാപ്പിഴവ്: നാല് വയസുകാരിക്ക് ശസ്ത്രക്രിയ നടത്തിയത് വിരലിന് പകരം നാവില്
Updated: May 16, 2024, 12:39 IST
![കോളേജ്](https://timeskerala.com/static/c1e/client/91214/uploaded/d293029167d5af90b215fad1e4eb489d.png)
കോഴിക്കോട്: വീണ്ടും കോഴിക്കോട് മെഡിക്കൽ കോളേജിൽ ചികിത്സാപ്പിഴവ്. അവയവം മാറി ശസ്ത്രക്രിയ നടത്തിയെന്നാണ് പരാതി. വിരലിന് ശസ്ത്രക്രിയ ചെയ്യാനെത്തിയ നാലു വയസുകാരിക്ക് ശസ്ത്രക്രിയ നടത്തിയത് നാവിൽ. ഇന്ന് രാവിലെയുണ്ടായ സംഭവത്തിൽ ശസ്ത്രക്രിയ മാറി ചെയ്തത് കോഴിക്കോട് ചെറുവണ്ണൂര് മധുര ബസാര് സ്വദേശിനിയായ ആയിഷ റുവയ്ക്കാണ്. കുട്ടിക്ക് നടത്തേണ്ടിയിരുന്നത് കൈയിലെ ആറാംവിരല് നീക്കം ചെയ്യാനുള്ള ശസ്ത്രക്രിയയായിരുന്നുവെങ്കിലും നടത്തിയത് നാവിലാണ്. തുടർന്ന് പ്രതിഷേധമുണ്ടാവുകയും കുട്ടിയുടെ ആറാം വിരൽ അരമണിക്കൂറിനുള്ളിൽ മറ്റൊരു ശസ്ത്രക്രിയയിലൂടെ നീക്കം ചെയ്യുകയും ചെയ്തു. കുട്ടിയുടെ കുടുംബം അറിയിച്ചത് സംഭവത്തിൽ ഡോക്ടർ മാപ്പുപറഞ്ഞതായാണ്. മെഡിക്കല് കോളജ് സൂപ്രണ്ടിന്റെ വിശദീകരണം കുട്ടിക്ക് നാവിനു പ്രശ്നമുണ്ടായിരുന്നതായാണ്. കോഴിക്കോട് മെഡിക്കല് കോളജിനെതിരേ വീണ്ടും പരാതി ഉയരുന്നത് മുൻപ് ശസ്ത്രക്രിയക്കിടെ ഉപകരണം വയറ്റില് കുടുങ്ങിയ സംഭവത്തില് ഹര്ഷിന എന്ന സ്ത്രീ ഇപ്പോഴും നീതിക്കായി പോരാട്ടം തുടരുന്നതിനിടെയാണ്.