നിയന്ത്രണം നഷ്ടപ്പെട്ട കാര് കടയിലേക്ക് ഇടിച്ചുകയറി; പത്രം വായിച്ചുകൊണ്ടിരുന്ന ആള്ക്ക് ദാരുണാന്ത്യം
![ഇടുക്കി: ചിന്നക്കനാലിൽ സ്കൂട്ടർ കൊക്കയിലേക്ക് മറിഞ്ഞ് അമ്മയും മകളും ഉൾപ്പടെ മൂന്ന് പേർ മരിച്ചു. തിടിനഗർ സ്വദേശി അഞ്ജലി (25), മകൾ അമയ (4), അഞ്ജലിയുടെ ഭർതൃസഹോദരന്റെ ഭാര്യ ജെൻസി (19) എന്നിവരാണ് മരിച്ചത്. അഞ്ജലിയും മകളും സംഭവ സ്ഥലത്ത് തന്നെ മരിച്ചു. ജെൻസിയെ തേനി മെഡിക്കൽ കോളജിലേക്ക് കൊണ്ടുപോകും വഴിയാണ് മരിച്ചത്. ഇന്നലെ വൈകിട്ട് അഞ്ചോടെയായിരുന്നു അപകടം സംഭവിച്ചത്. ഇറക്കത്തിൽ ഇരുചക്രവാഹനത്തിന്റെ നിയന്ത്രണം നഷ്ട്ടപ്പെട്ട് താഴ്ചയിലേക്ക് മറിയുകയായിരുന്നു. മൂന്ന് പേരാണ് സ്കൂട്ടറിലുണ്ടായിരുന്നത്.](https://timeskerala.com/static/c1e/client/91214/uploaded_original/71c3e54e2c902efaba997e3fb5f6cbf8.webp)
തൃശൂര്: ചാഴൂരില് തെക്കേ ആലിന് സമീപം നിയന്ത്രണം നഷ്ടമായ കാര് കടയിലേക്ക് ഇടിച്ചു കയറിയുണ്ടായ അപകടത്തില് ഒരാള്ക്ക് ദാരുണാന്ത്യം. രണ്ട് പേര്ക്ക് പരിക്കുണ്ട്. പഴുവില് സ്വദേശി വേളൂക്കര ഗോപി(60)യാണ് അപകടത്തിൽ മരിച്ചത്.
ഇന്ന് രാവിലെ ആറ് മണിയോടെയായിരുന്നു അപകടം നടന്നത്. പെരിങ്ങോട്ടുകര ഭാഗത്തു നിന്നും തൃശൂര് ഭാഗത്തേക്ക് പോകുകയായിരുന്ന കാറാണ് ആല് സ്റ്റോപ്പിന് സമീപം വളവില് തട്ടുകടയിലേക്ക് ഇടിച്ചു കയറി അപകടത്തിൽപ്പെട്ടത്. ഇടിയുടെ ആഘാതത്തില് കടയുടെ മുന്ഭാഗം പൂര്ണമായും തകര്ന്നു.
![](https://timeskerala.com/static/c1e/static/themes/16/91214/3752/images/New-Creative-.png)
എതിര് വശത്തുള്ള ഹോട്ടലില് നിന്ന് ചായകുടിച്ച ശേഷം തട്ടുകടയുടെ മുന്പില് പത്രം വായിക്കാന് എത്തിയതായിരുന്നു ഗോപി. ഇതിനിടയിലാണ് കാര് പാഞ്ഞെത്തിയത്. ഗോപിയെ നാട്ടുകാര് ചേര്ന്ന് ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു.