ഗുണ്ടാ നേതാവ് കുറ്റൂര്‍ അനൂപിനെതിരെ പോലീസ് കേസെടുത്തു: ‘ആവേശം’ സിനിമ മോഡല്‍ പാര്‍ട്ടി നടത്തി
May 16, 2024, 10:12 IST
തൃശ്ശൂർ: ഗുണ്ടാ നേതാവ് കുറ്റൂര്‍ അനൂപിനെതിരെ ‘ആവേശം’ സിനിമ മോഡല്‍ പാര്‍ട്ടി നടത്തിയതിന് കേസെടുത്ത് പൊലീസ്. ഇയാളെ 151 വകുപ്പ് ചുമത്തിയാണ് അറസ്റ്റ് ചെയ്തത്. പിന്നീട് സ്റ്റേഷന്‍ ജാമ്യത്തില്‍ വിട്ടയക്കുകയും ചെയ്തു. പോലീസിൻ്റെ കണ്ടെത്തൽ കൊലക്കേസില്‍ പ്രതികളായവരുൾപ്പെടെ ഈ പാർട്ടിയിൽ പങ്കെടുത്തതായാണ്. അതോടൊപ്പം, അനൂപിൽ നിന്ന് പാർട്ടി സംബന്ധമായ വിശദമായ മൊഴിയും പോലീസ് ശേഖരിക്കുകയുണ്ടായി. കൊലക്കേസ് പ്രതിയായ അനൂപ് കുറ്റൂരിലെ പാടത്ത് പാര്‍ട്ടി നടത്തിയത് ഏപ്രില്‍ മാസം അവസാനമാണ്. ഇവർ തന്നെയാണ് സംഭവത്തിൻ്റെ ദൃശ്യങ്ങൾ ആവേശം സിനിമയിലെ 'എടാ മോനെ' എന്ന ഡയലോഗോടുകൂടി പ്രചരിപ്പിച്ചത്.