എ പ്ലസ് കരാറിൽ നിന്ന് ശ്രേയസ് അയ്യരും  ഇഷാൻ കിഷനും പുറത്ത്

മുംബൈ :  മധ്യനിര ബാറ്റർ ശ്രേയസ് അയ്യരും വിക്കറ്റ് കീപ്പർ- ബാറ്റർ ഇഷാൻ കിഷനും ഇന്ത്യൻ ക്രിക്കറ്റ് ടീമിൻ്റെ  വാർഷിക കരാറിൽനിന്ന് പുറത്തായി. ഇരുവർക്കും തിരിച്ചടിയായത് ദേശീയ ടീമിൽ നിന്നു പുറത്താകുന്ന താരങ്ങൾ ആഭ്യന്തര ക്രിക്കറ്റ് മത്സരങ്ങൾ കളിക്കണമെന്ന ബി.സി.സി.ഐയുടെ നിർദേശം പാലിക്കാത്തതാണ്. 

കഴിഞ്ഞ 3 മാസമായി ക്രിക്കറ്റിൽ നിന്നു വിട്ടുനിൽക്കുകയായിരുന്ന ഇഷാൻ കിഷൻ കഴിഞ്ഞവർഷം സി ഗ്രേഡ് കരാറിലായിരുന്നു. 

ഇംഗ്ലണ്ടിനെതിരായ രണ്ടാം ടെസ്റ്റിനുശേഷം ശ്രേയസ് അയ്യർ, ദേശീയ ടീമിൽ നിന്നു പുറത്തായി. ഇതേ തുടർന്ന് രഞ്ജി ട്രോഫി ക്വാർട്ടർ ഫൈനലിൽ ഇദ്ദേഹം മുംബൈയ്ക്കായി കളിച്ചിരുന്നില്ല.