ഡീപ്ഫേക് വീഡിയോയുടെ ഇരയായി സച്ചിനും മകൾ സാറയും
Jan 15, 2024, 15:34 IST
മുംബൈ: ആര്‍ട്ടിഫിഷ്യല്‍ ഇന്‍റലിജന്‍സ് (AI) ഉപയോഗിച്ച് രൂപകല്പന ചെയ്യുന്ന ഡീപ്ഫേക് വീഡിയോയുടെ ഇരയായി സച്ചിന്‍ ടെണ്ടുല്‍ക്കറും. "സ്‌കൈവാര്‍ഡ് ഏവിയേറ്റര്‍ ക്വസ്റ്റ്' എന്ന ഗെയിമിംഗ് ആപ്പ് ആണ് അദ്ദേഹത്തിന്‍റെ വ്യാജ വീഡിയോ നിര്‍മിച്ചിരിക്കുന്നത്.സച്ചിന്റെ മുഖം ഉപയോഗിച്ചാണ് ഓൺലൈൻ ഗെയിം പ്രചരിപ്പിക്കുന്നത്. ഗെയിംമിന്‍റെ പരസ്യത്തില്‍ സച്ചിന്റെ മകള്‍ സാറ അതില്‍ നിന്ന് സാമ്പത്തികനേട്ടം കൊയ്യുന്നുവെന്ന് തെറ്റായി അവകാശപ്പെടുകയും ചെയ്യുന്നു.സച്ചിന്‍ തന്റെ സോഷ്യല്‍ മീഡിയ പേജിലൂടെയാണ് തന്റെ മുഖം ഉപയോഗിച്ച് പ്രചരിപ്പിക്കുന്നത് ഡീപ്ഫേക് വീഡിയോ ആണെന്ന്
വെളിപ്പെടുത്തിയത്. സാങ്കേതികവിദ്യയുടെ വ്യാപകമായ ദുരുപയോഗം അലോസരപ്പെടുത്തുന്നു. ഇതുപോലുള്ള വീഡിയോകളും പരസ്യങ്ങളും ആപ്പുകളും വന്‍തോതില്‍ റിപ്പോര്‍ട്ട് ചെയ്യാന്‍ എല്ലാവരോടും അഭ്യര്‍ഥിക്കുന്നതായി- സച്ചിന്‍ പറഞ്ഞു.തെറ്റായ വിവരങ്ങള്‍ പ്രചരിപ്പിക്കുന്നതിനെതിരേ ജാഗ്രതയും വേഗത്തിലുള്ള നടപടിയും അദ്ദേഹം ആവശ്യപ്പെട്ടു. നേരത്തെ, നടിമാരായ രശ്മിക മന്ദാന, കരീന കപൂര്‍, ആലിയ ഭട്ട്, ഐശ്വര്യ റായി ബച്ചന്‍ എന്നിവരും ഡീപ്ഫേക് വീഡിയോയുടെ ഇരയായിരുന്നു.
വെളിപ്പെടുത്തിയത്. സാങ്കേതികവിദ്യയുടെ വ്യാപകമായ ദുരുപയോഗം അലോസരപ്പെടുത്തുന്നു. ഇതുപോലുള്ള വീഡിയോകളും പരസ്യങ്ങളും ആപ്പുകളും വന്‍തോതില്‍ റിപ്പോര്‍ട്ട് ചെയ്യാന്‍ എല്ലാവരോടും അഭ്യര്‍ഥിക്കുന്നതായി- സച്ചിന്‍ പറഞ്ഞു.തെറ്റായ വിവരങ്ങള്‍ പ്രചരിപ്പിക്കുന്നതിനെതിരേ ജാഗ്രതയും വേഗത്തിലുള്ള നടപടിയും അദ്ദേഹം ആവശ്യപ്പെട്ടു. നേരത്തെ, നടിമാരായ രശ്മിക മന്ദാന, കരീന കപൂര്‍, ആലിയ ഭട്ട്, ഐശ്വര്യ റായി ബച്ചന്‍ എന്നിവരും ഡീപ്ഫേക് വീഡിയോയുടെ ഇരയായിരുന്നു.