രഞ്ജി ട്രോഫിയില്‍ 42-ാം തവണയും മുംബൈ മുത്തമിട്ടു
Mar 14, 2024, 14:09 IST
മുംബൈ : വിദർഭയ്ക്ക് രഞ്ജി ട്രോഫിയില്‍ മുംബൈ ആധിപത്യം ചെറുക്കാന്‍ സാധിച്ചില്ല. പ്രതീക്ഷയുണര്‍ത്തുന്ന കൂട്ടുകെട്ട് ആറാം വിക്കറ്റില്‍ ഉയര്‍ന്നുവന്നെങ്കിലും ആ പ്രതീക്ഷകളെ അടുത്തടുത്ത ഓവറുകളിലായി മുംബൈ എറിഞ്ഞു വീഴ്ത്തി.
തുടർന്ന് മുംബൈ ബൗളര്‍മാര്‍ തങ്ങളുടെ ആധിപത്യം ഉറപ്പിച്ചതോടെ കളി മുംബൈക്കനുകൂലം. 169 റണ്‍സ് ജയത്തോടെ രഞ്ജി ട്രോഫി മുംബൈ സ്വന്തമാക്കി.
മുംബൈ രഞ്ജി ട്രോഫി കിരീടം നേടുന്നത് 42-ാം തവണയാണ്. ഇതിനു മുൻപ് 2015-16ലാണ് മുംബൈ രഞ്ജി ട്രോഫി കിരീടം സ്വന്തമാക്കിയത്.