കുറഞ്ഞ ഓവർ നിരക്ക്; ഋഷഭ് പന്തിന് പിഴ
മുംബൈ: ഐപിഎൽ ട്വന്‍റി-20 ക്രിക്കറ്റിൽ കോൽക്കത്ത നൈറ്റ് റൈഡേഴ്സിനെതിരായ ദയനീയ തോൽവിക്കു ശേഷം ഡൽഹി ക്യാപ്പിറ്റൽസ് ക്യാപ്റ്റൻ ഋഷഭ് പന്തിന് വൻ തിരിച്ചടിയായി പിഴ ശിക്ഷ.
കുറഞ്ഞ ഓവർ നിരക്കിനെത്തുടർന്നു മാച്ച് റഫറി 24 ലക്ഷം രൂപയാണ് പിഴയിട്ടത്. ടൂർണമെന്‍റിലെ രണ്ടാം നിയമലംഘനമായിരുന്നു പന്തിന്‍റേത്. കുറഞ്ഞ ഓവർ നിരക്കിനെത്തുടർന്നു ചെന്നൈയ്ക്കെതിരായ മത്സരത്തിൽ പന്തിന് പിഴ ഈടാക്കിയിരുന്നു.
പന്തിനു പുറമേ സഹതാരങ്ങളും പിഴ കൊടുക്കണം. ആറ് ലക്ഷം രൂപയോ മാച്ച് ഫീയുടെ 25 ശതമാനമോ, എതാണ് കുറവ് അതാണ് സഹതാരങ്ങൾ പിഴയായി നൽകേണ്ടത്.
ഇനിയും കുറഞ്ഞ ഓവർ നിരക്ക് ആവർത്തിച്ചാൽ ക്യാപ്റ്റന് 30 ലക്ഷം രൂപയും മാച്ച് വിലക്കും ഏർപ്പെടുത്തും. ഒപ്പം സഹതാരങ്ങൾക്ക് 12 ലക്ഷം രൂപയോ മാച്ച് ഫീയുടെ 50 ശതമാനമോ, ഏതാണോ കുറവ് അത് പിഴയായി ചുമത്തും.