നോര്‍ത്ത് ഈസ്റ്റ് യുണൈറ്റഡിനെ നേരിടാൻ ബ്ലാസ്റ്റേഴ്സ് ഇന്ന് കൊച്ചിയില്‍
കൊച്ചി: കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ നോര്‍ത്ത് ഈസ്റ്റ് യുണൈറ്റഡിനെ നേരിടാനാണ് കേരള ബ്ലാസ്റ്റേഴ്സ് എത്തുന്നത്. ശനിയാഴ്ച രാത്രി എട്ടിനാണ് മത്സരം.ഐഎസ്എല്ലില്‍ വിജയവഴിയില്‍ തിരിച്ചെത്താനാണ് കേരള ബ്ലാസ്റ്റേഴ്സ് കഠിനപ്രയത്നം ചെയുന്നത്. ആദ്യ എവേ മത്സരത്തിലേറ്റ തോല്‍വിയില്‍ നിന്ന് കരകയറണം എന്ന ലക്ഷ്യത്തോടെയാണ് ബ്ലാസ്റ്റേഴ്സ് ഇനി പോരാടുന്നത്. ബ്ലാസ്റ്റേഴ്സ് കൊച്ചിയില്‍ നടന്ന ആദ്യ രണ്ട് മത്സരത്തിലും തോല്‍വിയറിഞ്ഞിട്ടില്ല.എന്നാൽ ഒരു മത്സരത്തിൽ മാത്രമാണ് നോര്‍ത്ത് ഈസ്റ്റ് യുണൈറ്റഡ് വിജയിച്ചിട്ടുള്ളത്.
പരിക്കിന്‍റെ പിടിയിലായ ഐബന്‍ ഡോഹ്ലിംഗും ഈ പ്രാവിശ്യം കളിക്കില്ല. പകരം സന്ദീപ് സിംഗും ഹോര്‍മി പാംഗും ആദ്യ ഇലവനില്‍ എത്താനാണ് സാധ്യത. പാര്‍ത്തിബ് ഗോഗോയും ഇബ്‌സണ്‍ മിലോയും നയിക്കുന്ന മുന്നേറ്റ നിരയിലാണ് നോര്‍ത്ത് ഈസ്റ്റിന്‍റെ പ്രതീക്ഷ.