ഇന്‍ഡസ്ഇന്‍ഡ് ബാങ്ക് ലോകകപ് ക്രിക്കറ്റിന്റെ ഗ്ലോബല്‍ പാര്‍ട്ട്ണര്‍
ഈ വര്‍ഷത്തെ പുരുഷ ലോകകപ്പ് ക്രിക്കറ്റിലും തുടര്‍ന്നുള്ള മല്‍സരങ്ങളിലും ഗ്ലോബല്‍ പാര്‍ട്ട്ണറാകാന്‍ ഇന്‍ഡസ്ഇന്‍ഡ് ബാങ്ക് അന്താരാഷ്ട്ര ക്രിക്കറ്റ് കൗണ്‍സിലുമായി ധാരണയിലെത്തി. ഉപഭോക്താക്കള്‍, ജീവനക്കാര്‍, ക്രിക്കറ്റ് ആരാധകര്‍ എന്നിവര്‍ക്കായി നിരവധി ആവേശകരമായ പരിപാടികളാവും ഈ പങ്കാളിത്തത്തിന്റെ പേരില്‍ ലഭ്യമാക്കുക.
തെരഞ്ഞെടുത്ത ഉപഭോക്താക്കളുടേയും ജീവനക്കാരുടേയും കുട്ടികള്‍ക്ക് മല്‍സരത്തിനു മുന്‍പായുള്ള ദേശീയഗാനാലാപന വേളയില്‍ ടീമുകളെ അനുഗമിക്കാന്‍ ഈ പങ്കാളിത്തത്തിന്റെ ഭാഗമായി അവസരം ലഭിക്കും. മറ്റു നിരവധി നേട്ടങ്ങളും വിവിധ വര്‍ഷങ്ങൡലേക്കായുള്ള ഈ ധാരണയുടെ ഭാഗമായി ലഭിക്കും.
രാജ്യത്തിനകത്തും പുറത്തും ബ്രാന്‍ഡിന്റെ ദൃശ്യത വര്‍ധിപ്പിക്കാനും ഉപഭോക്താക്കള്‍ക്കായുള്ള പ്രവര്‍ത്തനങ്ങള്‍ കൂടുതല്‍ മെച്ചപ്പെടുത്താനും ഈ സഹകരണം സഹായിക്കുമെന്ന് ഇന്‍ഡസ്ഇന്‍ഡ് ബാങ്ക് മാനേജിങ് ഡയറക്ടറും സിഇഒയുമായ സുമന്ത് കാത്ത്പാലിയ പറഞ്ഞു.